ЖЕҢІМПАЗ ТУҒАН ЖЕРГЕ ОРАЛДЫ

АҚПАРАТ | 02 ноябрь 2013 ж. - 00:48 | Көрудің саны: 510
Польшаның Вроцлав қаласында өткен ауыр атлетикадан әлем біріншілігінде күміс жүлдегер атанған Алмас Өтешов осы аптаның бейсенбісінде туған жер топырағына қадам басты. Төрткүл дүниенің апайтөс ұландары бәсеке көрігін қыздырған дүбірлі додада еліміздің абыройын асқақ етіп, биік тұғырдан көрінген жампозды жерлестері үлкен қуанышпен қарсы алды. 
Қызылорда қаласындағы Қорқыт ата әуежайына жергілікті жұртшылық көптеп жиналды. Олардың арасында аталмыш саланың мекеме басшылары, бапкерлер мен мамандар, спортқа енді қадам басқан жас өрендер бар. Қазақ баласының арасынан ауыр атлетика бойынша алғаш рет дүниежүзілік жарыстан қомақты жүлде алып қайтқан Алмасқа ағынан жарылып, ақжарылқап тілектерін ақтарған азаматтар аз емес. 
Облыстық дене шынықтыру және спорт басқармасы басшысы Садық Мұстафаев жұртшылық алдында А.Өтешов жайында жылы лебізін білдіріп өтті. Белгілі ауыр атлет осындай толағай табысына ұзақ жылдар бойы тер төгуінің нәтижесінде қол жеткізіп отыр. Ауыл баласы да әлемдік аренада мықты екенін дәлелдеуге мүмкіндік алды. Салтанатты шара барысында елімізге белгілі бапкер Вилорий Пак, Алмастың апасы Мырзайым Өтешова, облыстық жоғары спорт шеберлігі мектебінің басшысы Абылай Жалдыбаев, Жалаңтөс баһадүр атындағы облыстық спорттағы дарынды балалар мектеп-интернатының басшысы Ибрагим Нұрпейісов өз тілектерін білдірді. 
– Мұндай жоғары жетістікке бірден қол жеткізу қиынға соғады, – дейді Алмас Өтешов жұртшылық алдында. – Бұдан бұрын түрлі жарыстарда топ жардым. Әрине, әлем біріншілігі – орны бөлек сайыстың бірі. Сондықтан оған тыңғылықты дайындалдым. Осының арқасында Алланың қалауымен сіздердің үміттеріңізді ақтап қайттым. Мен тек осы жетістікпен тоқтап қалуды дұрыс көрмеймін. Алдағы уақытта да елдің сенімінен шығуға күш саламын. 
Әділжан ҮМБЕТ.   

Сондай-ақ... оқыңыз:

ҚАЙТА ОРАЛҒАН «ҚАЙСАР»

ҚАЙТА ОРАЛҒАН «ҚАЙСАР»

Кеше Қызылорда қаласындағы Студенттер сарайында биыл футболдан бірінші лигада кіші...
АЛМАС ӨТЕШОВ – КҮМІС ЖҮЛДЕГЕР

АЛМАС ӨТЕШОВ – КҮМІС ЖҮЛДЕГЕР

Польшаның Вроцлав қаласынан жеткен жағымды жаңалық Қызылорда жұртшылығын желпіндіріп...
БЕЛГІЛІ АЗАМАТҚА ҚҰРМЕТ

БЕЛГІЛІ АЗАМАТҚА ҚҰРМЕТ

Осы аптаның бейсенбісінде облыс әкімдігінде белгілі азамат, еңбек ардагері Қорғанбек...
Ауылда ел біріншілігі өткізілді

Ауылда ел біріншілігі өткізілді

Жаңақорған. Ауданның М.Нәлібаев ауылында еңбек ардагері Машбек Нәлібаевты еске алуға...
«ҚАЗАҚТЫҢ БАЛУАНДЫҒЫН ПАШ ЕТКІМ КЕЛЕДІ»

«ҚАЗАҚТЫҢ БАЛУАНДЫҒЫН ПАШ ЕТКІМ КЕЛЕДІ»

дейді дзюдодан жасөспірімдер арасындағы әлем чемпионы Бауыржан Жауынтаев...
Илья әлем чемпионатында бапкер болады

Илья әлем чемпионатында бапкер болады

Үстіміздегі жылдың 19-27 қазаны аралығында Польшаның Вроцлав қаласында ауыр...
Пікір: