ОТШАШУЛАР ОЙЫНШЫҚ ЕМЕС...

ОТШАШУЛАР ОЙЫНШЫҚ ЕМЕС... Облыстық баспасөз клубында ТЖД өкілдері пиротехникалық заттарды дұрыс қолдана білу және өрт қауіпсіздігі шараларын сақтауға байланысты жиын өткізді. 
Жаңажылдық мерекенің сәнін келтіріп, әрлендіріп-түрлендіретін пиротехниканы дұрыс пайдаланбау соңы өкінішке апаратыны сөзсіз. Қызық көрмесе арқасы қозатын сауықшыл жұрт отшашуларды қоғамдық орындарда қолданғанда абай болғаны жөн. Отты ойыншықтар «аса қауіпті заттардың!» қара тізіміне енгізілген. Жарқ-жұрқ еткен отшашуға құмарлардың дені балалар екенін ескерсек, қазір қала мектептерінде түсіндіру шаралары өтіп жатыр. Өрт сөндіру қызметі жабық ғимараттарда өрт қауіпсіздігіне қатты алаңдап отыр. Өйткені, кей мекемелердің қауіпсіздікке қарсы құрал-саймандары сай емес. Қызылорданың түндері тыныш болуы үшін ойын-сауық отауларында да сақтық шаралары қажет-ақ. 
Жаңа жыл қарсаңында сауда орындарында қаптайтын от ойыншықтардың барлығын тексеріп шыққанымен жабайы сауданың жайылып жатқаны белгілі. 
Пиротехникалық ойыншықтарға салғырт қараудың арты неге апарып соғарын өрт сөндірушілер қала халқына түсіндірме жұмыстары арқылы жеткізіп жатыр. Отшашуды қалай дұрыс тұта білу қажет, қандай қашықтықта тұру керек, фейерверк қиыс кетіп, жан-жағын өртке ораса қайткен дұрыс? Әрине, мұнымен жастар хабардар болуы керек. Сондықтан, жаңажылдық думанда отшашумен ойнамай-ақ, «сақтансаң сақтаймын» деген өміршең қағиданы қаперіңізге мықтап сала жүріңіз.
Нұрбек ДӘУРЕНБЕКОВ.

АҚПАРАТ 26 желтоксан 2013 г. 419 0

Едел-Жедел

Күнтізбе

«    Қаңтар 2018    »
ДсСсСрБсЖмСбЖс
1234567
891011121314
15161718192021
22232425262728
293031