ҚҰС ШАРУАШЫЛЫҒЫ ҚАРҚЫНДЫ ДАМЫП КЕЛЕДІ

Қаз еті – жеңіл әрі дәмді тағам, майы – емге дәру, мамығы – жастық.
ДӘУЛЕТ 29 қазан 2016 г. 143 0
Диқандар тағы да табыс төрінде

Диқандар тағы да табыс төрінде

Биылғы жыл да қызылордалық диқандар үшін табысты болғалы тұр. Ала жаздай атыз жағалаған еңбекші қауым осы жылы басты өнім – күріш жинаудан болжанған көрсеткіштен асып түспек. Осылайша өңір күрішшілері биыл да рекордтық көрсеткішке қол жеткізеді. Ел тәуелсіздігінің 25 жылдық мерейтойы қарсаңындағы бұл табыс соңғы жылдары салаға жасалған қолдау мен диқандарды демеудің айқын көрінісі болса керек.
ДӘУЛЕТ 13 қазан 2016 г. 156 0
Шаруашылықтың өнім көлемі ұлғайды

Шаруашылықтың өнім көлемі ұлғайды

Ақ күріштен тау тұрғызатын Сыр елінде биылғы егіннің жағдайы көңіл қуантарлықтай. Айталық, Жалағаш ауданы диқандары қазіргі күні мәре сызығына жақындап қалды.
ДӘУЛЕТ 11 қазан 2016 г. 114 0
“Бақдәулеттің” берекелі істері

“Бақдәулеттің” берекелі істері

Жалағаш ауданы – күріш өндірісі керегесін кең жайған өңірдің бірі. Көсегесі көгеріп, елдің несібесі артқан дәуірде аудандағы шаруашылықтардың да шаруасы шалқып, тасы өрге домалауда. Іргедегі Аққұмда да бұл ретте ауқымды жұмыстар жүргізілуде. Егістік басындағы қызу қарбалас пен шаруалар қауымының маңдай тері биылғы егіннің де мол боларын байқатады. 
ДӘУЛЕТ 08 қазан 2016 г. 154 0

“Төңкерістегілер” төрге озды

Ел Тәуелсіздігінің 25 жылдығы мерекесі қарсаңында егін егуді ұтымды ұйымдастыра білген және де олардың күтімі мен биылғы егін орағын алдыңғы қатарда орындап шыққан ұжымның бірі – Шиелі ауданындағы  «Төңкеріс и К» шаруа қожалығы. Шаруашылықтың тізгінін ұстап, басшылық жасаған  соңғы екі жыл көлемінде Бауыржан Көпеевтің іскерлігі мен тиімді жұмыс ұйымдастыра алатындығы аңғарылды. Сонымен бірге, аталған шаруа¬шылыққа өткен жылы оған "тұқым шаруашылығы” статусы берілген-ді. Бұл енді айрықша еңбек пен үлкен жауапкершілікті қажет ететіндігі белгілі.  
ДӘУЛЕТ 06 қазан 2016 г. 143 0
“Ақмаржаннан”  60 центнерден өнім алуда

“Ақмаржаннан” 60 центнерден өнім алуда

Биылғы егін орағын қысқа мерзімде аяқтаған шаруашылықтың бірі – Аққорған ауылдық округіндегі «Исмат» шаруа қожалығы.  Ұжым мүшелері екі апта ішінде өз қарауындағы күріштікті орып бітіріп, оны іле-шала дәнге бастырып та үлгерді. Барлық ұжым мүшелерінің жұмыла еңбек етуі арқасында жоғары нәтижеге қол жеткізілді. Қырманға салынған дәнді таразыдан өткізгенде алқапқа егілген сыралғы  «Ақмаржан» сортының әр гектарынан орташа 64 центнерден өнім алынып отыр. Шаруашылықтың төрағасы Қамбар Садықов бастаған диқан қауымы ала жаздай тынбай дақылдың агротехникалық күтімін өз дәрежесінде, уақытылы жасады. Звено жетекшісі Нұрлыбек Боранов, механизаторлар Әділ Жұмаділдаев, Әлжанов Марат, Қасымбеков Әлі және басқалар ортақ іске ынта-шынтасымен араласып, өнімнің мол болуына барлық қажыр-қайратын жұмсады. 
ДӘУЛЕТ 06 қазан 2016 г. 109 0
Серіктестік қолдауы серпінге бастады

Серіктестік қолдауы серпінге бастады

Биыл Сырдария ауданындағы А.Тоқмағамбетов ауылының диқандары серпіліс үстінде. «Егінші – мәрт, жер – жомарт» дегендей, маңдайын күн сүйіп, белі бүгіліп еңбек еткен жандардың ала жаздайғы ақадал еңбектері ақталып, өз нәтижесін беріп жатыр. Тәжірибелі де іскер басшы Меңдіғали Есжанов басқаратын «А.Тоқмағамбетов ЛТД» ЖШС-да биылғы егін шығымы жақсы. Маңызды науқан жарыдан ауғанда шаруашылықтың Бақыт Жылқыбаев жетекшілік ететін №2 бригадасы қарауындағы 201 гектар алқаптан Сыр салысын жинап алды. Нәтиже көңіл қуантарлық. Әр гектардан орташа түсім 60 центнерді құрады. Бұл соңғы 11 жылдан кейінгі шаруашылықтың қол жеткізіп отырған жоғары өнімі.
ДӘУЛЕТ 04 қазан 2016 г. 204 0

Бірлік бар жерде тірлік бар

Қармақшы ауданына қарасты Ақтөбе ауылындағы «Ақтөбе және К» ЖШС егіс алқабында ирандық таромо-хошеми күріш сор­ты жайқалып тұр. Ақ күріші жайқалған қожалықтың шаруасы шалқыған. Серіктестік директоры Нұрлан Іздібаев биыл тек тәжірибе ретінде екі гектар жерге шетелдік сортты орналастырыпты. Дегенмен, екі гектардан ауыз толтырып айтарлықтай өнім жинауға болады.
ДӘУЛЕТ 24 қыркүйек 2016 г. 183 0
Нәтижені күзде таразылайды

Нәтижені күзде таразылайды

Аймақта бүгінгі күнге кү­ріш дақылының 43608 гектары (54,8%) орылып, 31919 гектары(40,1%)  бас­тырылды және орта өнім гектарына 45,1 центнерден келуде. Егін орағында Сырдария, Жалағаш аудандары көш бастап келеді. Яғни, бүгінгі күні Сырдария ауданы 38395 тонна күрішті қамбаға құйып үлгерсе, Жалағаш ауданы 379222 тонна Сыр саласын жинап алды. Тиісінше қос аудан гектарына орташа 48-46 центнерден өнім жинауда. Диқандар үшін алтын күздің нәтижесі енді басталды. Жылдағыдай науқанды ерте аяқтайтын шиеліліктер жалпы орымның 71 пайызын еңсеріп, күрішінің 65 пайызын бастырып қойды. Қар­мақшы, Жаңақорған, Қа­­залы, Қызылорда диқан­да­ры да 40-60 пайыз ара­лы­ғында күріш орылымын жақындатып келеді. 
ДӘУЛЕТ 19 қыркүйек 2016 г. 227 0
Бетоннан жасалатын өнімнің 120 түрі шығады

Бетоннан жасалатын өнімнің 120 түрі шығады

    Қызылордадағы темір-бетон зауыты биыл өндіріс қуатын 2 есеге ұлғайтты. Кәсіпорын соңғы жылдары материалдық-техникалық базасын жаңғыртып, бәсекеге қабілеттілігін арттырды, деп хабарлады Қазақстан ұлттық арнасы.     Бүгінде зауытта бетоннан жасалатын өнімнің 120 түрі шығады. Бейнеті ауыр өндіріс орынында 40-қа жуық нәзік жандар ерлермен бірге иық тірестіре жұмыс істеп жүр. Бүгінде зауыт басшылығы жаңашылдыққа бет бұрған. Заман талабына сай бетон өнімін дайындайтын ресейлік қондырғылар орнатылды. Соның арқасында облыста алғаш болып көпқабатты тұрғын үйлерге арналған 9 метрлік темір-бетон жабындыларын шығаруда. Сырдағы темір-бетон зауытының тағы бір басымдығы мұнда бес түрлі электр бағаналары шығарылады. Айта кету керек, он алты метрлік бағаналар оңтүстік аймақ бойынша тек Қызылордада құйылады. 
ДӘУЛЕТ 19 қыркүйек 2016 г. 178 0