СОРТ АУЫСТЫРУ – ТИІМДІ ӘДІС

ҚОҒАМ | 17 октябрь 2013 ж. - 07:58 | Көрудің саны: 707
Ауыл шаруашылығы дақылдарын өсіретін құрылымдарға қажетті сорттарды ауық-ауық ауыстырып отыру әлемдік тәжірибеде дәлелденген тәсіл. Өйткені, ондай сорттардың сапасы да жоғары, өнімі де мол болатыны бесенеден белгілі. Ал ол сорттарды тексеруден өткізіп отыратын арнайы мекемелер біздің облысымызда да бар. Солардың бірі – Қармақшы, Жалағаш және Сырдария аудандарын қамтитын Жалағаш мемлекеттік сорт сынау бөлімшесі. Бұқарбай батыр ауылында орналасқан онда жыл сайын күріш дақылының 12-13 сорты сынақтан өткізіліп келеді.
– Осы сорттардың ішінен егістік жерге, ауа райына, түрлі аурулар мен зиянды жәндіктерге төзімділігі, сондай-ақ сорттардың өнімділігі мен шаруашылықтарға келтіретін басқа да пайдалы қасиеттерін зерттеп барып, аудандастырамыз, – дейді аталған бөлімше басшысы Батырбай Әбдіреев бізбен әңгімесінде. – Егер жарамсыз сорттар болса, оларды басқа сорттармен ауыстырамыз. Айталық, соңғы он жылдың көлемінде сынаққа түскен 23 күріш сортына жүргізілген зерттеулердің нәтижесінде 11 сорт аудандастырылды. Оның төртеуі – «Ы.Жақаев атындағы Қазақ күріш шаруашылығы ғылыми-зерттеу институты» ЖШС-ның «Арал-202», «Ару», «Түгіскен-1», «КазНИИР-5» сорттары болса, алтауы Ресейдің Краснодар өлкесінен алынған. Олар – «Лиман», «Янтарь», «Новатор», «Лидер», «Анант», «Фишт» сорттары. Ал «Мадина» сорты қазақ биология және биотехнология институтының өнімі.
Сорт сынаушылардың негізгі міндеті – ғылыми-зерттеу орталықтарынан шыққан ауылшаруашылық дақылдарының сорттарын сынау учаскелерінде жан-жақты сынақтан өткізу, – деді Батырбай Әбдіреев әңгімесін одан әрі сабақтай түсіп. – Сынақ нәтижесінде сорттар талапқа сай деп танылса, онда олар Қазақстан Республикасында пайдалануға рұқсат етілген селекциялық жетістіктердің мемлекеттік тізбесіне енгізіледі.
Қазіргі таңда елімізде күріш дақылы бойынша 26 сорт мемлекеттік тізбеге енгізілген көрінеді. Соның 14 сорты біздің облысымызда пайдаланылуда.
Бақтыбай БЕРДІБАЕВ.


Сондай-ақ... оқыңыз:

СЫР ЕЛІНІҢ ЕҢБЕК САЛТАНАТЫ

СЫР ЕЛІНІҢ ЕҢБЕК САЛТАНАТЫ

Н.Бекежанов атындағы облыстық драма театрында биылғы егін жинау жұмысының...
БЕРЕКЕЛІ, МЕРЕКЕЛІ ЖӘРМЕҢКЕ

БЕРЕКЕЛІ, МЕРЕКЕЛІ ЖӘРМЕҢКЕ

Күз қашан да молшылық пен тоқшылық, ұлан - асыр тойлардың мезгілі. Бұлай болатын...
ҚЫРМАН ҚЫЗЫЛҒА ТОЛДЫ

ҚЫРМАН ҚЫЗЫЛҒА ТОЛДЫ

Күрішті де ырысты Жалағаш ауданының диқандары биылғы жылы 18213 гектар жерге күріш...
ОЗЫҚ ТЕХНОЛОГИЯ ЖОҒАРЫ ӨНІМ НЕГІЗІ

ОЗЫҚ ТЕХНОЛОГИЯ ЖОҒАРЫ ӨНІМ НЕГІЗІ

"Ізденген жетер мұратқа” деген даналықты республика жұртшылығына есімдері танымал...
САПАЛЫ ТҰҚЫМ – ӨНІМ КӨЗІ

САПАЛЫ ТҰҚЫМ – ӨНІМ КӨЗІ

Ауыл шаруашылығы дақылдарынан мол өнім алу үшін жүргізілетін шаралардың кешенінде...
МАРЖАН ДӘН МОЛШЫЛЫҒЫ

МАРЖАН ДӘН МОЛШЫЛЫҒЫ

Берекелі күз келіп, ел несібесі – егін-терінді ысырапсыз жинап алу жұмысы қарбалас...
Пікір: