БYЙРЕГІН БАЛАСЫНА БЕРГЕН АНА

ҚОҒАМ | 07 декабрь 2013 ж. - 09:11 | Көрудің саны: 559
Ерлік... қазіргі ұрпақ ерлікті қалай түсінеді? Пайымдауымша, ерлікті қарулы соғыста кеудесін оққа төсеу деп сезінетін секілді қазіргі ұрпақ. Алашымыздың тарихына көз тіксек, ақыл-парасатымен дүйім халықты басқара білген Домалақ анамыз (Нұрила ханым) және қан көксеген Кир патшаның басын шауып, дарияға лақтырған Тұмар ханым секілді аналарының ерлігін қайталаған кешегі Кеңес Одағының Батырлары Мәншүк пен Әлия еді. Еңбек Ері қазақтың қайсар қызы, жерлесіміз Жадыра Таспанбетова осы бір теңдессіз ерліктерді бейбіт күнде қайталады емес пе?! 
Күйбең тіршіліктің өзінде-ақ жоғарыдағы қайсар аналарымыздың ерлігін бойға сіңірген аналарымыз арамызда жүр. Ауданымыздың Байсын ауылдық округының тұрғыны, қадірменді ақсақал, білім саласының ардагері Әліұлы Сәду атамыздың елге сіңірген еңбегі ел есінде. Соның бір үзігін туған ауылында жастар жүрегіне имандылық ұялатар Алланың жердегі үйі – «Әлі Ата» мешітін соғуы сөзіміздің дәлелі. Шиеліде әзіз ақсақалдың кенже ұлы Қуат пен келіні Жәмиланың тұңғыш ұлдары Самат айықпас ауыр дертке шалдығып (сусамырдың ауыр түрі) оның бірден-бір емі тек қана бүйрек ауыстыру отасы және ол донор бүйрегі болу керектігі анықталған еді. Жоспарлы ота Алматы қаласындағы Сызғанов атындағы экспериментальды-хирургиялық орталықта жасалуы тиіс. Ұлы үшін әке донор болуға өз ықыласын берді. Бірақ, зерттеулер нәтижесінде донор бүйрегі бала ағзасына сай келмейтіндігі анықталды. Көз алдарында жаққан шырақтарының сөніп бара жатқандығы ана жанын ышқынтып, жүрегін ауыртты. Ойланбастан донор болуға келісім берді. Күрделі ота тәжірибелі дәрігерлер көмегімен сәтті жасалып, сөнгелі тұрған шырақтары қайта жанды. Бұл күнде жансақтау бөлімінен жалпы бөлімге ауыстырылған ана мен баланың жалпы жағдайлары қанағаттанарлық. Өшіп бара жатқан үміт оты қайта лаулап жанды деген осы. 
Қазақтың ақберен аналары-ай! Жоғарыда өткен тарихымыздағы аналардың ерлігі туралы бекер сөз қозғағанымыз жоқ. Он сегіз мың ғаламды жаратушы Жаппар ием «жұмақтың кілтін іздесең, ананың табанының астында» деген ғақлиясын еске алсақ, ана тілегінің қабыл болғаны да. Жәмила анамыз ерлік жасадым деп ойламаған да шығар. Әрбір ананың іс-әрекеті ерлікке пара-пар. Қуаныштарыңыз ұзағынан болсын!
Қайрат ИСМАИЛ.
Шиелі ауданы.


Сондай-ақ... оқыңыз:

БІЛІМ НЕГІЗІ – БАСТАУЫШТА

БІЛІМ НЕГІЗІ – БАСТАУЫШТА

Егеменді еліміздің өсіп келе жатқан ұрпағын ойлы да іскер, жігерлі де батыл,...
ҮШ АДАМДЫ ҚАТЕРДЕН ҚҰТҚАРҒАН АЗАМАТҚА ҚҰРМЕТ КӨРСЕТІЛДІ

ҮШ АДАМДЫ ҚАТЕРДЕН ҚҰТҚАРҒАН АЗАМАТҚА ҚҰРМЕТ КӨРСЕТІЛДІ

Облыс әкімдігінің мәжіліс залында аймақ басшысы Қырымбек Көшербаев үш адамды ажалдан...
ТРАНСПЛАНТОЛОГИЯ АДАМҒА ӨМІР СЫЙЛАЙДЫ

ТРАНСПЛАНТОЛОГИЯ АДАМҒА ӨМІР СЫЙЛАЙДЫ

Өткен жылы Қазақстанда бірінші рет созылмалы жүректің жетіспеушілігі диагнозы...
ҚАЙТА ОРАЛҒАН «ҚАЙСАР»

ҚАЙТА ОРАЛҒАН «ҚАЙСАР»

Кеше Қызылорда қаласындағы Студенттер сарайында биыл футболдан бірінші лигада кіші...
АНА ҚҰШАҒЫ САҒЫНЫШ

АНА ҚҰШАҒЫ САҒЫНЫШ

Соғыстан соң үш жыл өтіп, ел есін енді жинай бастаған тұста Бисенкүл апа мен Қасен...
ХАЛЫҚ СҮЙГЕН ҚАЙРАТКЕР

ХАЛЫҚ СҮЙГЕН ҚАЙРАТКЕР

...Жер бетіне кісі келеді екен, Алла берген кесімді мерзімін жүріп өтеді екен. Бірақ...
Пікір: