Қазақстанға төртінші мұнай өңдеу зауыты қажет

ҚР Энергетика министрі Қанат Бозымбаев елімізге төртінші мұнай өңдеу зауыты қажет екенін айтты, деп хабарлайды Baq.kz ақпарат агенттігі Kapital.kzсайтына сілтеме жасап.

Министрдің айтуынша, қазіргі таңда бұл мәселені арнайы жұмыс тобы қарастырып жатыр.

«Менің пікірімше, Қазақстанға төртінші мұнай өңдеу зауыты қажет. Қазіргі таңда бұл мәселені қарастырып жатырмыз. Зауытты салу бір жылдың жұмысы емес. Жанар-жағармай материалдарына сұраныс артуда. Біздің болжамымыз бойынша, шамамен 2022 жылы мұнай өнімдерінің импортын өсіру қажет болады. Осы уақытқа дейін төртінші зауыт салынып үлгергені жөн. Артып келе жатқан сұранысты қанағаттандыруға қолданыстағы үш зауыттың қуаты жетпейді», - деді Энергетика министрі.

Интервью барысында Қанат Бозымбаев алдағы жылы жаңа мұнай өңдеу зауытының техникалық-экономикалық негіздемесін дайындау жоспарланып отырғанын атап өтті. Министрдің сөзінше, 2019 жылы инвесторларды тарта отырып, аталған зауыттың құрылысын бастау жоспарда бар.

Айта кетейік, қазіргі таңда елімізде 3 мұнай өңдеу зауыты бар. Олар Атырау, Павлодар, Шымкент қалаларында орналасқан.

ЖЕДЕЛ ЖАҢАЛЫҚТАР 03 қаңтар 2018 г. 50 0

Едел-Жедел

Күнтізбе

«    Қаңтар 2018    »
ДсСсСрБсЖмСбЖс
1234567
891011121314
15161718192021
22232425262728
293031