Құтқарушылар флешбоп өткізді

«Жібек жолы» сауда орталығында кішкентай балаларға арнап, Қызылорда облысы Төтенше жағдайлар департаменті қызметкерлері «Абылай хан» колледжінің студенттерімен бірге флешмоб биін биледі. 

Би-шоуы барысына балалар мен олардың ата-аналары да тартылды. Іс-шара соңында азаматтық қорғау қызметкерлері ересектер мен балаларға пиротехникалық бұйымдардың өрттің тұтануына және жаңа жылдық каникул кезінде балалардың жарақаттануына себеп болатындығын айтты.

«Құтқарушылар ескертеді» акциясы «Жібек жолы», «Жайна» және «Сыбаға» сауда үйлерінде, сонымен бірге Халыққа қызмет көрсету орталығында жалғасын тапты. Халықтың көп шоғырланатын орындарында құтқарушылар тұрғындарға тұрмыстағы өрт қауіпсіздігі ережесін сақтау туралы ескертті. Осы іс-шараны халықтың басым бөлігіне насихаттау үшін көпшілікке жергілікті «Қоғам ТД» арқылы жарияланды.


Қызылорда облысы ТЖД.

ЖЕДЕЛ ЖАҢАЛЫҚТАР 05 қаңтар 2018 г. 67 0