Тұңғыш рет жаңа темір жол желісімен «Жезқазған-Сексеуіл-Қызылорда» бағытында пойыз қатынайды

Тұңғыш рет жаңа темір жол желісімен «Жезқазған-Сексеуіл-Қызылорда» бағытында пойыз қатынайды15 наурыздан бастап көпшіліктің сұранысын қанағаттандыру және жолаушыларға сапалы қызмет көрсету үшін «Қазақстан темір жолы» АҚ «Жезқазған-Сексеуіл-Қызылорда» бағытында жаңа пойызды шығарады. Бұл туралы «Жолаушылар тасымалы» АҚ баспасөз қызметінен хатарлады.

Пойыз тұңғыш рет жаңа темір жол желісімен: Жезқазған-Қарсақпай-Байқоныр-Көктал-Қоскөл-Қарашеген-Абай-Сексеуіл әрі қарай Арал-Қазалы арқылы Қызылордаға дейін қатынайтын болады.

40-тан астам елді мекендерді қамтитын бұл бағыт «Нұрлы жол» бағдарламасы аясындағы әлеуметтік маңызды жоба болып саналады.

«Бұған дейін біздің тұрғындар еліміздің оңтүстігіне бару үшін Қарағанды арқылы қатынап, канша уақыты мен қаржысын шығындайтын. Енді міне, төте жол салынып халық жол азабын тарпайтын болды. ҚТЖ компаниясына ризашылығымызды білдіре отырып, жаңа жол аймаққа жаңа серпін береді деп сенеміз», - дейді Жезқазған қаласының әкімі Батырлан Ахметов.

Пойыз Жезқазғаннан 19 сағат 12 минутта шығып, Қызылордаға келесі күні 19 сағат 53 минутта жетеді.

ЖЕДЕЛ ЖАҢАЛЫҚТАР 10 наурыз 2016 г. 266 0