Ақпарат комитетіне жаңа төраға тағайындалды

Ақпарат және коммуникациялар министрінің бұйрығымен Ержан Болатханұлы Нүкежанов ҚР АКМ Ақпарат комитетінің төрағасы лауазымына тағайындалды, деп хабарлайды Baq.kz ақпарат агенттігі primeminister.kz сайтына сілтеме жасап.

Ержан Нүкежанов 1981 жылы Алматыда дүниеге келген. Әл-Фараби атындағы Қазақ ұлттық университетін тәмамдаған. Мамандығы — тарих магистрі.

2002 жылы еңбек жолын «Қазақстан теледидары мен радиосы» республикалық корпорациясы» ЖАҚ ақпараттық-талдамалық қызметінің редактор-жүргізушісі болып бастаған.

2002–2009 жылдары Халықаралық заманауи саясат институтында, «Хабар» агенттігінде, «Нұр Отан» республикалық саяси партиясы» ҚМ-да, ҚР Мәдениет және ақпарат министрлігінде жұмыс істеген. 2009–2016 жылдары — ҚР Президентінің Баспасөз қызметінде сарапшы, кеңесші және сектор меңгерушісі ретінде қызмет еткен.

2016 жылғы маусым айынан бастап ҚР Парламенті Мәжілісінің Аппарат Басшысының орынбасары лауазымын атқарған.

БИЛІК 20 маусым 2018 г. 620 0