Аршавин "Қайраттағы" соңғы ойынын өткізеді

Ресейлік танымал футболшы Андрей Аршавин 11 қараша күні "Қайрат" сапындағы соңғы қоштасу ойынына қатысады. Бұл туралы команданың ресми сайты хабарлады.
- Қарағандының "Шахтер" клубына қарсы кездесуде әйгілі футболшы Андрей Аршавин қоштасу ойынына шығады. Алматылық команда сапындағы жарқын ойындары үшін футболшыға клуб пен жанкүйерлер зор алғысын білдіреді, - деп хабарлады.
 Ел премьер-лигасының соңғы турындағы "Қайрат" пен "Шахтер" арасындағы кездесу 11 қараша күні Астана уақытымен сағат 15:00-де басталады.
Андрей Аршавин "Қайрат" сапында үш маусым ойнады. 100-ден аса ойынға қатысып, 30 гол, 37 нәтижелі пас берді. Клуб сапында екі рет ел чемпионатының күміс жүлдегері атанды. ҚР Кубогы мен Суперкубогында жеңіске жетті.
ДОДА 05 қараша 2018 г. 2 274 0