Қызылордада жол апатынан 2 адам көз жұмды

Қызылорда облысында жүк көлігі мен жеңіл автокөліктің соқтығысуы салдарынан екі адам қаза болды, деп хабарлайды ҚазАқпарат тілшісі.
Жол апаты «Самара-Шымкент» тасжолының 1525-шақырымында, №99 бекет маңында болды. «Daewoo Matiz» бен жүк көлігі соқтығысқан.
Бұл жөнінде хабарлама «Апаттар медицинасы орталығы» ММ-нің Қызылорда облысы бойынша филиалы «Әйтеке би» трассалық медициналық құтқару бекетінің диспетчеріне келіп түскен. Мамандар оқиға орнына дереу жеткен.
«Медициналық құтқару бекетінің шұғыл әрекет ету бригадасы оқиға орнына барған сәтте «Daewoo Matiz» жеңіл автокөлігінде болған 2 адамның қаза тапқанын көрді. Құтқарушылар арнайы құралдардың көмегімен көлік ішінде қысылып қалған мәйіттерді алып шықты. Жарақат алған жүк көлігінің жүргізушісіне алғашқы медициналық көмек көрсетілді», - деп мәлім етті Қызылорда облыстық Төтенше жағдайлар департаментінің мамандары.
Мерт болғандар Қырғызстан азаматтары екені анықталды.
Айта кетейік, Қызылордада тамыз айының басында болған жол апатынан 5 адам көз жұмған еді.
НЕГІЗГІ ЖАҢАЛЫҚТАР 08 тамыз 2019 г. 334 0