«Əлем барысының» қола жүлдегері Сыр елінде

Бүгін қызылордалықтар Қорқыт Ата әуежайынан қазақ күресінен «Əлем барысы» Әлем чемпионатының қола жүлдегері, жерлесіміз Мақсат Исағабыловты салтанатты түрде күтіп алды.
Сыр балуанына құрмет көрсету үшін әуежайға БЖСМ тәрбиеленушілері, жаттықтырушылар, қазақ күресінің жанкүйерлері мен ата-анасы, туыстары келді.
Еске салайық, Қызылорда облысының жоғары спорт шеберлігі мектебінің тәрбиеленушісі Мақсат Исағабылов Алматыда өткен «Əлем барысында» үшінші орынды иеленген болатын.
Сондай-ақ, ол биылғы жылы Моңғолияның Ұлан-Батор қаласында өткен Азия чемпионатында алтын медаль жеңіп алған. Алдағы мақсаты - келесі жылы өтетін «Қазақстан барысы», «Əлем барысы» жарыстарына тыңғылықты дайындалып, топ жару.
Бапкері: ҚР еңбек сіңірген жаттықтырушысы Болат Кенеев.
НЕГІЗГІ ЖАҢАЛЫҚТАР 04 желтоксан 2019 г. 275 0