Қызылордалық "Dalatex" компаниясы маска шығара бастады

Елімізде масканың жетіспеушілігіне байланысты қызылордалық "Dalatex" ЖШС маска шығара бастады. 
Компания осыған кезге дейін ерлер жейдесін шығарумен танымал болатын. Бүгінде "Dalatex"-тің өндірістік қуаттылығы тәулігіне 10 мың дананы құрайды. Өнім Қызылордадан бөлек, Қарағанды, Нұр-Сұлтан және Алматыға жөнелтіледі.
Айта кету керек, коронавирус салдарынан тауар жеткізілімдері тізбегінің үзілуі және ҚР-дың негізгі экспорттық позицияларына әлемдік бағалардың айтарлықтай төмендеуіне байланысты «Атамекен» Ұлттық кәсіпкерлер палатасы отандық бизнеске түсетін теріс әсерді төмендету мақсатында Жедел штаб құрылғанын хабарлайды. Жедел штабтың міндеттері:
-бизнеске келтірілуі мүмкін тәуекелдерді және ағымдағы экономикалық ситуациядағы теріс салдарды бағалау: импорттық шикізат, жабдық және қосалқы бөлшектерді сатып алудағы проблемалар; қаржыға қолжетімділік (қаражат айналымы, валюталық заем, қайта қаржыландыру қажеттілігі және т.б.);
- бизнестен алынған мәліметтерді күнделікті негізде жүйелеу және өңдеу;
- бизнестің дамуына мүмкіндіктерді анықтау (өткізу нарықтары, қолдау шаралары);
- бизнестен алынған мәліметтер негізінде Үкіметке ұсынымдар әзірлеу.



Фото: көрнекі сурет
НЕГІЗГІ ЖАҢАЛЫҚТАР 12 наурыз 2020 г. 1 041 0