ҚАЛАЛЫҚ ДЕМАЛЫС САЯБАҒЫ МАУСЫМЫН АШТЫ

190

0

ҚАЛАЛЫҚ ДЕМАЛЫС САЯБАҒЫ МАУСЫМЫН АШТЫ Қазақстан халқының бірлігі күні мереке¬сінде қалалық мәдени және демалыс саябағының маусымдық ашылу салтанаты өтті. Саябақтың ашылу рәсіміне қала әкімінің орынбасары Шахмардан Байманов қатысып, демалушыларды мерекемен құттықтады.
Қала қонақтары мен тұрғындары саябақтың орталық алаңындағы сахнада М.Мәметова атындағы гуманитарлық колледж студенттерінің концерттік бағдарламасын тамашалады. Кітапхана қызметкерлері флешмоб ұйымдастырып, жазғы кітап¬хананың ашылу салтанатын өткізді. Бала¬лардың жаз мезгіліндегі бос уақыттарын тиімді пайдалану мақсатында жұмыс жасайтын жазғы кітапхананың кітап қоры А.Пушкин атындағы орталық кітапхана және жүйеге қарас¬ты №12 кітапхана қорларынан, мерзімді басылымдардан құралған. Кітапхана жаз бойы оқырмандар назарына түрлі жанрдағы кітаптар, жаңа газет-журнал басылымдарын ұсынады. Кітапханашылар жаздың жайма шуағында кітапты ғимараттың ішінде емес, таза ауа¬да оқығанды ұнататын оқырмандарға ертегілер оқып беріп, олармен түрлі қызықты ойындар ұйымдастырады. Кітапханада қалалық кітапхана қызметкерлері кестеге сәйкес күнделікті сағат 17.00-22.00 аралығында жұмыс жасайтын болады.
Кешқұрым «Олимп» спорттық балалар студиясының шәкірттері концерттік бағдарламасын халық назарына ұсынды. «Нұрсәт» триосы концерт қойып, кеш соңы жастар биімен аяқталды.
Ш.ЖАМАЛТЕГІ.

Пікірлер жоқ. Бірінші болыңыз!

Пікір жазыңыз