Сыр елінде ШОБ салысының 5 мыңнан астам кәсіпорны және 33 мыңнан астам дара кәсіпкерлер жұмыс істейді

64

0

Сыр елінде ШОБ салысының 5 мыңнан астам кәсіпорны және 33 мыңнан астам дара кәсіпкерлер жұмыс істейдіБұл жайында Қызылорда облысының әкімі Қырымбек Көшербаев бүгін халық алдындағы  есепті кездесуінде айтты.
Өзін өзі жұмыспен қамтушылар мен жұмыссыздарды шағын кәсіпкерлік саласына тарту аймақ үшін 2017 жылғы негізгі міндеттердің бірі. Мемлекет басшысы, шағын бизнес әлеуметтік тұрақтылықты және экономиканың тұрақтылығын қамтамасыз етеді деп атап көрсеткен. 
– Сондықтан, былтыр біз шағын несиелендіруге бөлінген қаржыны 2015 жылға қарағанда 2,5 есеге дерлік ұлғайттық (2,5 млрд теңге).  Шағын және орта бизнеске, оның ішінде агроөнеркәсіп саласы да бар, барлық қаражат көздерінен 16 млрд теңге қаржы бағытталды. Бұл 2015 жылмен салыстырғанда 1,5 есе артық, – деп атап өтті Қ.Көшербаев.
Бүгінде облыста Сыр өңірінің экономикалық және әлеуметтік әл-ауқатының тұрақтылығына тікелей әсер ететін 5 мыңнан аса орта және шағын кәсіпкерлікпен  нысандары және 33 мыңнан астам дара кәсіпкерлер мен шаруа қожалықтары жұмыс істейді. Бұл салада 100 мыңға жуық адам жұмыспен қамтылған, бұл облыстың экономикалық белсенді тұрғындарының үштен бірі деген сөз.
Пікірлер жоқ. Бірінші болыңыз!

Пікір жазыңыз