"Репертуар әлі таңдаған жоқпыз": Ержан Максим "Junior Eurovision 2019" байқауына дайындықты бастады

Белгілі жас әнші Ержан Максим балалар мен жасөспірімдер арасында өтетін «Junior Eurovision» байқауына дайындықты бастап кетті. Конкурс 24 қарашада Польшаның Гливице қаласында өтеді, деп хабарлайды Stan.kzақпарат агенттігі.

Ән қоржынында қандай шығармалардың болатыны әзірге белгісіз. Сондай-ақ бүгінгі таңда Ержанға арнап композиторлар жеке туынды жазуда. Әншінің анасы Гүлмира Әлібектің айтуынша, нақты мәлімет тамыз айының соңында белгілі болады.

Айта кетейік, Ержанның «Junior Eurovision» байқауға қатысуы «Хабар» Агенттігінің Еуропалық хабар тарату одағына мүше болуы және екіжақты жүргізілген келіссөздердің нәтижесінде мүмкін болды.  

"Дайындық әзірше жақсы. Репертуар жағын әлі таңдаған жоқпыз. Енді елімнің үмітін ақтаймын деп ойлаймын. Осы «Junior Eurovision» байқауын жеңсем бе деп ойлаймын. Үміттенемін", - дейді Ержан Максим.

ЖЕДЕЛ ЖАҢАЛЫҚТАР 04 тамыз 2019 г. 430 0