Республикалық жыр байқауына Жалағаштан 200-ге жуық оқушы қатысты

Бүгін Жалағаш ауданындағы З.Жарқынбаев атындағы №202 орта мектепте «Qazaq Epos» республикалық ағарту жобасының «Тұлпар мініп, ту алған!» байқауының аудандық кезеңі өтті.
Сайысқа Жалағаш ауданы бойынша 20 мектептен 195 оқушы қатысты.
Аудандық кезеңнің ашылу салтанатында аудан әкімінің орынбасары Жағыпар Тажмаханов сөз алып, байқауға қатысушыларға сәттілік тіледі.
Қатысушылар «Қобыланды батыр» жырын жатқа айтып, жырдың ішіндегі көнерген, тарихи сөздердің мағынасын ашып, қазақ әдебиеті оқулығы бойынша әзірленген сұрақтарға жауап берді.
Сайыс қорытындысымен Таң ауылдық округіндегі №118 мектептің оқушысы Аружан Нұрадин І орын иеленсе, Аққұм ауылдық округінен келген Айдана Жұмат ІІ орынды иеленді. Ал Жалағаш кентіндегі Т.Жүргенов атындағы №123 мектеп-лицейдің оқушысы Рахат Ахметжәми ІІІ орынды иеленді. Байқау жеңімпаздары қаржылай сыйлықтармен марапатталды.  
ЖЕДЕЛ ЖАҢАЛЫҚТАР 19 қыркүйек 2019 г. 316 0