Қызылордада пәтер ұрысы ұсталды

Қызылордалық полицейлер пәтер тонауды әдетке айналдырған ұрыны ұстады, – деп хабарлайды Polisia.kz
Полиция департаменті криминалдық полиция басқармасының қызметкерлері 31 жастағы қала тұрғынын қолға түсірді. 4 наурыз күні үй иесінің жоқтығын пайдаланған ол пластик терезе арқылы үйге еніп, бағалы заттармен бірге аңшы мылтығын алып кеткен. Ұрының ізіне түскен сақшылар алтын жалатылған зергерлік бұйымдар мен мылтықты тауып үлгерді. Оның барлығы айғақ заттар ретінде тәркіленді. 
Қазір полицейлер күдіктінің басқа да қылмыстарға қатысы бар-жоғын анықтап жатыр. Күдіктінің өзі уақытша ұстау изоляторына қамалды. Барлық факт бойынша Қылмыстық Кодекстің 188-бабының 3-бөлігі бойынша сотқа дейінгі тергеп-тексеру амалдары жүргізіліп жатыр.
ЖЕДЕЛ ЖАҢАЛЫҚТАР 10 наурыз 2020 г. 448 0