Қызылорда облысында мал бастарын асылдандыру, көбейту жұмыстарына көп көңіл бөлінуде. Осы ретте, 2011-2013 жылдары «Сыбаға» бағдарламасының аясында облыс бойынша шаруашылық құрылымдары арқылы «ҚазАгро» ҰБХ» АҚ-нан 1313,5 млн. теңге несие тартылып, 7494 бас аналық сиыр және 400 бас ет бағытындағы асыл тұқымды бұқа сатып алынды, деп хабарлайды облыстық ауыл шаруашылығы басқармасы. Бұдан өзге, шаруашылықтардың өз қаржылары есебінен ет бағытындағы асыл тұқымды «Қазақтың ақбас» сиыры тұқымының 100 бас қашары мен 20 бас бұқасы әкелінді. Ал «ҚазАгроӨнім» АҚ-на еншілес «KazMeat» ЖШС-нен 37 млн. теңге несие алынып, 210 бас тауарлы сиыр және 7 бас асыл тұқымды бұқа сатып алынған. Жыл соңына дейін «Сыбаға» бағдарламасы бойынша 1700 бас мүйізді ірі қара сатып алу жоспарлануда.
Жалпы, бүгінгі күні 25 шаруашылық 200,9 млн. теңге несие алып, 1198 бас сиыр және 48 бас асыл тұқымды ет бағытындағы бұқа алуға қол жеткізген. Демек, жарты жылдың ішінде жылдық жоспар 84,2 пайызға орындалды деген сөз.
Пікірлер жоқ. Бірінші болыңыз!