8-сынып оқушысы үйді жылыту тәсілін ойлап тапты

43

0

Қ8-сынып оқушысы үйді жылыту тәсілін ойлап таптыызылордалық 8-сынып оқушысы Мақсат Қарлыхан мал қиынан биогаз ала отырып, үйді жылыту тәсілін ойлап тапты, деп хабарлады НЗМ баспасөз қызметінен.

Қызылорда каласындағы химия-биологиялық бағыттағы Назарбаев Зияткерлік мектебінің оқушысы әлемдегі табиғат ресурстарының тез таусылып жатқанына алаңдаулы. Осы орайда, ол айналаға залалын тигізбей тұрғын үй және мал қораларды жылытуға болатын биогаз алуды ойлап тапты.
«Әлем ғалымдары жел, күн көзінен қуат көзін алуды ойлап жүр. Ал біз кәдімгі мал қиынан алынған биогазды ұсынамыз. Оны тұрғын үйлерді жылытуға отын ретінде пайдалануға болады», – дейді Мақсат Қарлыхан. Құрылғы биогаз түзу үшін қолданатын биомасса мен бактерия арасында жүретін реакция резервуары, газ қоспасынан тазартатын сүзгіш резервуары және газды сақтайтын резервуардан тұрады.
«Бірінші резервуарда араласқан газ қоспасы басқа газ қоспаларынан тазалану үшін екінші резервуарға түседі. Нәтижесінде метан бөлініп шығып, үшінші резервуарға бөлінеді. Жұмысымыздың келесі кезеңі – биогаздың шығуын ұлғайту үшін анаэробты бактерияларды өсіру. Қиындығы – жасаған ортада кислородтың жетіспеуі болып отыр. Ол үшін Петри ыдысында жабық кеңістік жасаймыз. Құнарлы орта ретінде агар-агарды қолданамыз. Ауаны шығару үшін көмірқышқыл газы бар агар-агар көмектеседі», – деп түсіндірді мектеп оқушысы.
Мақсат жоба жетекшісі, химия пәнінің мұғалімі Марат Атабаевпен биомасса құрамының сапасы мен санына қолайлы жағдай жасау жұмыстарымен айналысуда.

Пікірлер жоқ. Бірінші болыңыз!

Пікір жазыңыз