Арал. Қазіргі таңда «Қамыстыбас-Арал демалыс аймағында» «Саутс Ойл» компаниясы инфрақұрылымдар жүргізу жұмыстарын бастап кетті. Бұл жайында аудан әкімдігі баспасөз қызметі хабарлайды. Өткен жылдың тамыз айында басталған компанияның құрылыс жұмыстары қыстың суығына қарамастан қарқынды жұмыс жасауда. Облыс әкімінің тапсырмасына сәйкес құрылыс жұмыстары ағымдағы жылдың мамыр-маусым айларында аяқталады деп жоспарлануда. Жұмысқа жергілікті жердің тұрғындары да тартылған. Жұртшылық аталмыш аймақта туризм саласын дамытуға ерекше мән беріліп отырғанын жақсы біледі. Бұл істер сол игілікті шаралардың бастамасы болып табылады.
Пікірлер жоқ. Бірінші болыңыз!