Қармақшы ауданында ауданның құрметті азаматы Болатбек Сүлейменов атындағы дзюдодан 1995-97 жылдары туылған жастар арасында дәстүрлі республикалық турнир өтті. Биыл ХІV рет ұйымдастырылған турнирге Алматы қаласы, Атырау, Маңғыстау, Батыс Қазақстан, Шығыс Қазақстан, Оңтүстік Қазақстан, Солтүстік Қазақстан, Қызылорда облыстарынан және Қырғызстан, Өзбекстан елдерінен 21 командадан 200-ге жуық спортшы қатысты.
Жарыс нәтижесінде қызылордалық М.Шамшадин, Н.Тілеуберген, Н.Иса, С.Өмірзақ, Б.Тілеулесов, М.Сейітхан, Е.Бекайдар, Қ.Тілеулес, Н.Серәлілер облыс мерейін үстем етіп жүлделі І-ІІ орындарды жеңіп алды.
Жеңімпаздар мен жүлдегерлерге Қызылорда облысының дене шынықтыру және спорт басқармасының диплом медальдары мен демеушілердің бағалы сыйлықтары табыс етілді.
Пікірлер жоқ. Бірінші болыңыз!