WizzAir әуе бағытын кеңейту бойынша жаңа қадам Қазақстан мен Венгрия арасындағы әуе қатынас жолы болып табылады. Бұл туралы «Wizz Air Hungary Ltd» венгер әуе компаииясының байланыс бөлімінің басшысы Тамара Валуа хабарлады.Астана-Будапешт әуе бағыты бойынша «Wizz Air әуе билеттері құнының төмендігі екі елдің арасындағы туризм және бизнес жөніндегі қарым-қатынастарды ынталандырады. Будапешт өте төмен тариф негізінде басқа бағыттарды зерттеуге талпынған қазақстандық жолаушылар үшін мол мүмкіндік ашты»,- деді Тамара Валуа.
Wizz Air өкілі Астана-Будапешт әуе бағытының ашылуы Wizz Air компаниясы үшін маңызды оқиға болып саналатынын жеткізді.«Астана-Будапешт бағытының ашылуы Wizz Air компаниясы үшін айтулы оқиға деп есептеленеді өйткені бұл біздің әуекомпаниямыздың Қазақстандағы дебюті. Сондай-ақ бұл бағыт Қазақстанды Еуропа Одағымен бірінші лоу-кост әуеқатынас жолымен қамтамасыз етеді. 2017 жылы Будапештен 62 бағытта 4 млн жолаушылар орнын ұсынатын болады»,-деді Тамара Валуа.
