Қазалы. Биыл Қазалы ауданында қысқы спорт түрлерін дамыту мақсатында жұмыстар қолға алынып, 10 ауылда жасанды мұз айдыны жасалғанын мәлімдеген едік. Енді міне аталмыш мұз айдыны кәдеге жарап тұр. Кеше Әйтеке би кентіндегі мұз айдынында «Доптық хоккейден» аудан біріншілігі өткізілді.Сайысқа ауылдардан да командалар қатысты. Төрт команда сынға түскен сайыс нәтижесінде Қазалы спорт клубы жеңімпаз атанды. Ұйымдастырушылар үздік ойыншыларды марапаттауды да ұмытқан жоқ. Жеңімпаз команда аудан әкімінің жүлдесін иеленсе, қалған жеңімпаздар арнайы дипломдармен марапатталды.
Пікірлер жоқ. Бірінші болыңыз!