Қазалыда мәдениет саласының «үздік әдіскері» анықталды

61

0

Қазалыда мәдениет саласының «үздік әдіскері» анықталдыҚазақ Хандығының 550 жылдығына және Қазақстан Халқы Ассамблеясының 20
жылдығына орай Қазалыда «Үздік әдіскер — 2015» атты әдіскерлер арасында
кәсіби байқау өткізілді, деп хабарлады аудан әкімінің баспасөз қызметі.
Байқауға қатысқан талапкерлер «Өзге емес өзім айтам өз жайымды» деп
аталатын кезеңде өздерін және жұмыс орнының тыныс–тіршілігімен
таныстырса, «Ізденген жетер мұратқа» кезеңінде әдіскерлердің кәсіптік
біліктілігі сыналды. Ал «Бір күнгі қарбалас» тақырыбында әдіскерлер
өздерінің бір күндік жұмысын әзіл-қалжың түрінде көрсете білді.
Сондай-ақ, талапкерлер «Өнерге әркімнің-ақ бар таласы» деп аталатын
кезеңде өздерінің бойындағы бар өнерлерін ортаға салды.
Сайыс қорытындысымен жан-жақты дайындығымен ерекше көзге түсіп, ереже
талаптарын толықтай орындаған Бекарыстан би ауылдық мәдениет Үйінің
әдіскері Бауыржан Ізмағанбетов бас жүлдені жеңіп алып, мәдениет
саласының «Үздік әдіскері» атанды. Бірінші орынды Кожабақы ауылдық
мәдениет Үйінің әдіскері Әлима Қайырбаева, екінші орынды Басықара
ауылдық клубының әдіскері Айтолқын Іскендірова және Ғ.Мұратбаев ауылдық
мәдениет Үйінің әдіскері Мереке Меңдібаева, үшінші орынды Кәукей ауылдық
клубының әдіскері Айзада Ізеева мен Бозкөл ауылдық мәдениет Үйінің
әдіскері Ләззат Тәңірбергенова иеленді.
Пікірлер жоқ. Бірінші болыңыз!

Пікір жазыңыз