Қазалы. Ұлыстың ұлы күніне дайындық шаралары жалпыхалықтық сенбілікпен басталды. Аудан әкімінің өкімімен санитарлық тазалығын қамтамасыз ету, көркейту-көгалдандыру мақсатында 15 наурыз бен 15 мамыр аралығы тазалық айлығы болып жарияланды. Өткен жылы елді мекендерді абаттандыру, көркейту-көгалдандыруға 498 млн. теңге қаржы бөлініп ауқымды жұмыстар атқарылған болатын. Биыл бұл мақсатқа 438 млн. теңге қаржы қаралып отыр. Бұдан өзге, арнайы коммуналдық 4 техника алу үшін 37,0 млн теңгеге бөлінді.
