Қазалы. Аудандағы кәсібінен, нәсібін тауып жүрген нәзік жандылардың бірі – Альбина Нұрбаева. Осыдан төрт жыл бұрын тәтті тағам түрлерін дайындайтын шағын цех ашқан ол бүгінде аудан халқын кондитер өнімдерімен қамтамасыз етіп келеді. «Дастархан» деп аталатын кондитер цехында қазір оннан астам өнім шығарылып, 20 адам нәпақасын табуда. Мұнан өзге, ауданда кондитер өнімдерін шығаратын онға жуық шағын цех жұмыс жасайды.
