Мектеп директоры сыбайлас жемқорлықпен байланысты қылмыстық құқық бұзушылық жасағаны үшін сотталды. Жалағаш аудандық соты мектеп директорына қатысты қылмыстық істі қарап, үкім жариялады, деп хабарлады аудандық соттың баспасөз қызметі.Ауылдық мектеп директоры өзінің қызметтік өкілеттігін пайдалана отырып, қарамағындағы қызметкерден қосымша 0,5 жүктеме қосып бергені үшін 5 000 теңге талап еткен. Нәтижесінде мектеп директоры аталған параны алу кезінде ұсталған.
Сот үкімімен мектеп директоры Қазақстан Республикасы Қылмыстық кодексінің 366-бабының 1-бөлігіне (пара алу) сәйкес қылмыстық құқықбұзушылық жасағаны үшін кінәлі деп танылды. Оған мүлкін тәркілеп, білім беру саласында лауазымдарды атқару құқығынан өмір бойына айыра отырып, параның 50 (елу) еселенген сомасы мөлшерінде 250 000 (екі жүз елу мың) теңге айыппұл салу жазасы тағайындалды.
Пікірлер жоқ. Бірінші болыңыз!