Бүгін Қазақстан Президенті «Жезқазған-Бейнеу» жаңа теміржолын ашады

33

0

Бүгін Қазақстан Президенті «Жезқазған-Бейнеу» жаңа теміржолын ашадыБүгін Қазақстан Президенті Нұрсұлтан Назарбаевтың қатысуымен «Жезқазған-Бейнеу» және «Арқалық-Шұбаркөл» теміржолдарының пайдалануға берілуінің ашылуы күтілуде, деп хабарлады ҚазАқпарат тілшісі.

Ауқымды көлік жобасының құрылысы 2012 жылғы маусымда ашылған болатын. «Қазақстан темір жолы» Ұлттық компаниясы» АҚ баспасөз қызметінен хабарлағандай, үлкен жұмыстар жүргізілді. Атап айтқанда, 1200 шақырымнан астам жол төселіп, түйістірілді, қызметкерлер мен қызмет көрсететін адамдарға тұрғын үй нысандары салынды, қажетті инфрақұрылым тұрғызылды.

Жаңа темір жолдардың орналасуы Қазақстанның батысынан шығысына және солтүстігінен оңтүстігіне жүктер тасымалдау қашықтығын қысқартады, еліміздің көлік мүмкіндіктерін кеңейтеді.

«Бүгін пайдалануға берілетін 1000 шақырымнан асатын теміржолдар «Солтүстік-Оңтүстік» және «Шығыс-Батыс» бағыттарындағы жүк тасқыны бағыттарын оңтайландырады. Теміржолдардың жұмысы Орталық және Батыс Қазақстанның дамуына қуатты серпін беріп, өңірлердің өнеркәсіптік әлеуеттері мен өндірістерінің дамуын жеделдете игеруге жағдай туғызып, экономикалық белсенділігін ынталандырады. 3,5 мың жұмыс орындары ашылады», – деп хабарлады баспасөз қызметі.

ҚТЖ жаңа жолдарды іске қосу Қытайдан Ресей бағытына және одан әрі Еуропаға трансқазақстандық көлік дәліздерінің көліктік әлеуетін елеулі арттырады, деп санайды.

Пікірлер жоқ. Бірінші болыңыз!

Пікір жазыңыз