«БЖК-2020» бағдарламасын іске асыруға 1,6 млрд. теңге бөлінді

105

0

«БЖК-2020» бағдарламасын іске асыруға 1,6 млрд. теңге бөліндіКәсіпкерлерді қолдау және оларды одан әрі дамыту үшін мемлекет біршама бағдарламаларды қабылдап, кәсіпкерлерге жетіспейтін инфрақұрылым жүйелерін жеткізу, бизнесті жүргізуге сан алуан субсидияларды төлеу мен шағын бизнеске микрокредиттер беру үшін республикалық бюджеттен жыл сайын қаражаттар қарастырылуда. Аталған қолдау шараларының нәтижесінде аймақтағы шағын және орта кәсіпкерліктің даму көрсеткіштері оң серпінге ие. Атап айтқанда, облысымызда 47 мыңнан аса шағын және орта бизнес субъектілері тіркелген. Бұл туралы бүгін Өңірлік коммуникациялар қызметі орталығында өткен брифингте облыстық кәсіпкерлік және туризм басқармасы басшысының міндетін атқарушы Азамат Досжанов БАҚ өкілдеріне мәлімдеді. 
2016 жылдың 9 айының қорытындысы бойынша аталған салада 81 мыңнан аса адам жұмыспен қамтылып, 158,4 млрд. теңгенің өнімі өндірілген. 
– Елбасы Қазақстан халқына арнаған Жолдауында бизнес-ортаны түбегейлі жақсарту және кеңейту, елімізде инвестициялық климатты нығайту, жаппай кәсіпкерлікті қолдау тетіктерін одан әрі жетілдіру керегі, соның ішінде отбасылық кәсіпкерлікті дамыту бағытында кешенді шаралар жүргізу қажеттігін басымдық беріліп отыр. Бұл тұрғыда өңірде дамыған елдердің озық стандарттары мен тәжірибесін енгізу арқылы жүйелі жұмыстарды қолға алынуы қажеттігі нақтыланды. Биылғы жылдан бастап Елбасының тапсырмасымен Нәтижелі жұмыспен қамту және жаппай кәсіпкерлікті дамыту бағдарламасы іске асырылмақ, – деді А.Досжанов. 
Өткен жылы «Бизнестің жол картасы 2020» бағдарламасын іске асыру үшін республикалық бюджеттен 1,6 млрд. теңге бөлінді. Жалпы бағдарлама шеңберінде 2016 жылы жалпы несие портфелі 29,1 млрд. теңгені құрайтын 401 жоба субсидияланды, сондай-ақ шағын және орта бизнестің 48 субъектісі жалпы құны 850 млн. теңгеге кепілдік ұсынылды.
Сонымен бірге, жалпы құны 19 млн. теңгені құрайтын қайтарымсыз грант қаражаттары 21 микробизнес субъектілеріне табысталса, микронесиелеу компоненті аясында жалпы құны 200 млн. теңге құрайтын 48 жоба қаржыландырылды. Нәтижесінде бағдарлама шеңберінде 1 048 жұмыс орны сақталып, 827 адам жаңа жұмыс орындарымен қамтамасыз етілді.
Қызылорда облысының 
Өңірлік коммуникациялар қызметі
Пікірлер жоқ. Бірінші болыңыз!

Пікір жазыңыз