«Денсаулық керуені» жолға шықты

55

0

«Денсаулық керуені» жолға шықтыБүгін Ұлы Отан соғысындағы жеңістің 70 жылдығы, Қазақстан халқы Ассамблеясының жылы, Қазақстан республикасының 20 жылдығы аясында «Денсаулық» керуені жолға шықты, деп хабарлайды облыстық денсаулық басқармасының баспасөз хатшысы Нұржамал Тұрсынбаева.

«Ай бойына Арал, Қазалы, Сырдария, Шиелі, Жалағаш, Қармақшы, Жаңақорған аудандарының 26 елді мекеніне баратын медициналық топ зертханасы, медициналық құрылғыларымен және білікті мамандармен, оның ішінде кардиолог, онколог, терапевт, стоматолог, акушер, хирург сынды дәрігер мамандармен қамтылған», – делінген хабарламада.
Айта кету керек, жылжымалы медициналық кешен наурыз-қараша айларының арасында облыстың барлық елді мекендеріне барып, медициналық тексеру жүргізеді. Өткен жылы 3 жылжымалы медициналық кешеннің көмегімен облыс бойынша 135 елді мекеннің 286035 тұрғынына көмек көрсеткен екен.

Пікірлер жоқ. Бірінші болыңыз!

Пікір жазыңыз