Жаңақорған. Шығыс Қазақстан облысы Аягөз қаласында өткен қазақ күресінен 1997-1998 жылдарда өмірге келген жасөспірімдер арасында ҚР чемпионатында жаңақорғандық жас палуан Әбдірашит Рахманберді ел чемпионы атанды. Ол 64 кг. салмақ дәрежесінде қарсыластарының барлығының жауырын жер иіскетіп, алтыннан алқа тағып қайтты. Айта кетейік, Рахманберді Еуразия ойындарының және Республикалық «Жас Барыс» турнирінің чемпионы, одан бөлек облыстық, аудандық жарыстардың жеңімпазы. Жас палуанның бапкері Ербол Исабаев.
