Билл Кондонның «Сұлу мен Құбыжық» фильмі қазақстандық кинотеатрларда көрсетілетін болды, – деп хабарлайды Tengrinews.kz тілшісі. Бұл туралы «Меломан» компаниясының бас директоры Вадим Голенко айтты. «Бүгін, 17 наурызда кешкі уақытта прокат куәлігін алдық, бұл куәлік сарапшылар комиссиясының отырысынан кейін берілді. Астанадағы және Алматыдағы сарапшылар фильмді көріп, «16+» деген жас шектеуін қойды. Бұл дегеніміз фильмді балалар ата-анасымен бірге көре алады деген сөз. Бастысы бұл фильм қазақстандықтарға Наурыздың құрметіне тамаша сыйлық болады», – деді Голенко. Оның айтуынша, картина отандық кинотеатрларда 17 наурыздағы кешкі сеанстан бастап көрсетіле бастайды.
Пікірлер жоқ. Бірінші болыңыз!