«Евровидение-2017» байқауының алғашқы финалистері анықталды

95

0

«Евровидение-2017» байқауының алғашқы финалистері анықталдыКиевте «Евровидение-2017» байқауының алғашқа жартылайфиналдық бәсекелері аяқталды. Ақтық сынға 18 қатысушы-мемлекеттің тек 10-ының өкілдері өтті. Олар Молдова, Әзербайжан, Греция, Швеция, Португалия, Польша, Армения, Австралия, Кипр және Бельгия елдерінің әншілері, деп хабарланған байқаудың ресми сайтында.
Финалистер екі кезеңмен анықталды. Ұлттық қазылар алқасы өз бағаларын бас дайындық кезінде қойған болса, көрермендер дауыстарын шоу телеарнадан көрсетіліп жатқан сәтте берді. Екінші жартылай финал – 11 мамыр күні өтеді. Байқаудың ақтық сынына өту үшін Македония, Мальта, Нидерланды, Сербия, Дания, Румыния, Венгрия, Австрия, Ирландия, Швейцария, Эстония, Израиль, Болгария, Сан-Марино, Литва, Хорватия, Норвегия және Беларусь елдерінің қатысушылары бақ таластыратын болады.
Еске салайық, Болгария намысын қорғайтын әнші Кристиан Костов «ҚазАқпаратқа» сұхбат берген болатын. Қазаққа жиен болып келетін жас орындаушы қазақтың халық әндеріне, оның бай фольклорына таңдана қарайтынын айтты. Сондай-ақ Қазақстанға гастрольдік сапармен келіп, бесік жырларын джаз стилінде орындауды ойлап жүргенін жеткізді. «Себебі бұл әндердің әуенінде қазақ халқының мыңжылдық тарихы жатыр. Ал жаңаша бағытта бұл әуендер миллиондаған жандардың жүрегіне жол табады деп сенемін», – деді ол.  
«Евровидение-2017» 62-інші Халықаралық ән байқауының ашылуы 7 мамыр күні Киевтегі «Парковый» көрме орталығында өтті. Байқаудың финалы 13 мамырға белгіленген.     
Пікірлер жоқ. Бірінші болыңыз!

Пікір жазыңыз