GGG Альвареспен екінші жекпе-жек өткізбей, шаршы алаңға шықпайды

63

0

Орта салмақта WBA (Super), IBO, WBC және IBF тұжырымдары бойынша Әлем чемпионы қазақстандық боксшы Геннадий Головкиннің (37-0-1, 33 КО) бапкері Абель Санчес мексикалық Сауль «Канело» Альвареспен (49-1-2, 34 КО) өтетін екінші кездесуді келесі жылдың көктем мезгілінде өткізеді дегенге сенім артады.
Оның айтуынша, Головкин Альвареспен екінші жекпе-жек өткізбей, шаршы алаңға басқа боксшымен жұдырықтасуға шықпайды.
«Егер жекпе-жек мамырда өтетін болса, біздің тараптан олай тәуекелге бару бассыздық болар еді. Біздің басты сұрайтынымыз Том мен Оскар және Эрик екінші жекпе-жекті өткізуге тезірек шешім шығаруы. Бұл жекпе-жек міндетті түрде өтуі тиіс. Біз 2018 жылдың қыркүйегіне дейін күтпеуіміз керек. Бұл тым ұзақ. Жекпе-жек 5 мамырда Синко де Майо мерекесінде өтетініне сенім артамын», – деп жазады BoxingScene.com Санчестің сөзін.
Осыған дейін Сауль «Канело» Альварестің жұмыстарымен айналысатын «Golden Boy Promotions» компаниясының негізін қалаушы Оскар Де Ла Хойя мексикалық боксшының қазақстандық Геннадий Головкинмен екінші кездесудің келіссөздері қалай өтіп жатқанын айтты. Оның айтуынша, екі боксшы арасындағы екінші кездесуді ұйымдастыру туралы келіссөздер келер жылдың басында басталады екен. Сонымен қатар Де Ла Хойя жекпе-жектің қашан өтетінін де айтты.
«Екі боксшы да бұл жекпе-жекті ұйымдастырғысы келеді. «Канело» да, Головкин де бірінші кездесуінде өздерінің барлық мүмкіндіктерін толық көрсете алмады. Кездесу Мексиканың ұлттық мейрамы Синко де Майа күні өтуі мүмкін. Немесе қыркүйек айында. «Канело» маған кездесуді өткізуге ыңғайлы күн мен жерді табуды тапсырды», – дейді Де Ла Хойя. Айта кетейік,
Лас-Вегаста өткен жекпе-жек 12 раундтан тұрды. Жекпе-жек қорытындысы бойынша Головкин мен Альварес тең түсіп, Головкин барлық титулын сақтап қалды. Сондай-ақ кейінірек жекпе-жектің толық видеосы жарияланды. Сонымен қатар Спорттық комиссия басшысы «Канелоның» пайдасына дауыс берген төрешіні шеттетті.
Пікірлер жоқ. Бірінші болыңыз!

Пікір жазыңыз