Көмір тапшылығы орын алмайды

52

0

Көмір тапшылығы орын алмайдыАймағымызда жылыту маусымы басталғаннан бері қала бойынша тұрғындарды көмірмен қамтамасыз ететін бірқатар мердігер мекемелер жұмыс жасауда. Мекеме қызметкерлерінің айтуынша бұған дейін өңірде көмір тапшылығы орын алмаған. Ал әлеуметтік нысандарға келсек, бүгінде олардың барлығы толықтай сұйытылған отын және газбен қамтамасыз етіліп отыр.
Қалалық кәсіпкерлік, өнеркәсіп және туризм бөлімінiң басшысы Елмұрат Рахматуллаевтың айтуынша, жылыту маусымы кезінде аталған мәселені болдырмау мақсатында көмір өндіруші және тасымалдаушы мекемелермен бірігіп тиісті жұмыстар атқарылуда. Жоғарыда айтылған аймақ тұрғындарын көмірмен қамтамасыз ететін мекемелердің бірі «Олжас” ЖШС  2 күн сайын 4-5 вагоннан көмір жеткізсе, «Мч” ЖШС өндіруші мекемеге 150 вагон көмірге тапсырыс беріп үлгерген. Алдағы уақытта тиісті тауарлар өңірге жеткізілетін болады. Бүгінге дейiн қалаға тасымалдаушы мекемелердің ықпалымен 30 вагон көмір жеткізіліп отыр. Сондықтан тұрғындардың аталған мәселеге алаңдауына еш негіз жоқ.  Алдағы уақытта да тиiстi жұмыстар атқарылып, қаламызда көмір тапшылығы орын алмайды.
Мөлдір ҚАЛЫМБЕТ.   

   

Пікірлер жоқ. Бірінші болыңыз!

Пікір жазыңыз