Мүгедектер мәселесі жөніндегі үйлестіру кеңесінің отырысы өтті

40

0

Мүгедектер мәселесі жөніндегі үйлестіру кеңесінің отырысы өттіБүгін Қызылордада облыс әкімі Қырымбек Көшербаевтың төрағалығымен мүгедектер мәселесі жөніндегі үйлестіру кеңесінің отырысы өтті. 
Қызылорда облысының жұмыспен қамту және әлеуметтік бағдарламалар басқармасы басшысының міндетін атқарушы Аманжол Алдажаров мүгедектердің құқықтарын қамтамасыз ету және өмір сүру сапасын жақсарту туралы жол картасының жүзеге асырылуы туралы баяндама жасады. Аймақта жол картасы бағдарламасы аясында іс-шаралар кешені жүзеге асырылуда. Мысалы, 2017 жылдан бастап ескірген сурдо-тифло техникалық құралдар заманауи электронды гаджеттерге ауыстырылатын болады. Мүгедектерді оңалту орталығына мүмкіндігі шектеулі жандарға «Локомат» локомоторлық терапия орталығы алынып, соның нәтижесінде 46 мүгедек кресло-қораптарын, 63-і қосалқы балдақ, таяқтарын тастады. Сондай-ақ арнайы жол белгілері орнатылып, мүмкіндігі шектеулі азаматтарды тегін тасымалдау үшін «Инватакси» көлік қызметі қарастырылған.
Қызылорда облыстық спорт және дене шынықтыру басқармасы басшысының орынбасары Жақсылық Оспанов мүмкіндігі шектеулі жандарды спортқа бейімдеу жұмыстары жөнінде баяндама жасады. Оларға облыстағы спорт нысандарында денешынықтыру-сауықтыру қызметтері тегін көрсетіледі. Бұдан бөлек, «Мұз айдыны» спорт кешенінде отырып ойнаушыларға арналған волейбол, жеңіл атлетика және пауэрлифтинг бөлімдері жұмыс істейді. Спортшыларды жаттығуға тасымалдау үшін 2014 жылы микроавтобус алынды. Бұдан бөлек, аймақ спортшылары Паралимпиада және өзге де шараларға қатысады. 50 спортшыға спорттық киімдер мен құрал-жабдықтар сатып алынды. 
Қызылорда облысының жолаушылар көлігі және автомобиль жолдары басқармасының басшысы Марат Бәйімбетов мүгедектерге арналған көлік құралдарымен қамтамасыз етуге қолданылатын шаралар жөнінде баяндама жасады. «Қорқыт ата» әуежайында ұшаққа жеткізетін көлік, арбалар және ұшақ салонында арнайы орындар қарастырылған. Теміржол вокзалында арнайы автотұрақ, нашар еститіндерген арналған индукциялық панель, кезекші оператормен байланысуға арналған қоңырау және өзге де құрал-жабдықтар орнатылған. 
Оның айтуынша, ағымдағы жылдың басынан бері мүгедектікке алғаш рет өткендерге композициялық медициналық қызмет көрсетіледі. Егер бұрын азаматтар мүгедектік туралы анықтама алу үшін медициналық-әлеуметтік сараптама бөліміне, ал әлеуметтік көмек алу үшін зейнетақы мен жәрдемақы төлеу орталығына бару міндеттелген болса, қазір оларға медициналық-әлеуметтік сараптама орталығына өтініш жазса жеткілікті. Жыл басынан бері композициялық қызмет түрін 1073 адам пайдаланды.
Отырыс қорытындысы бойынша облыс әкімі жауапты тұлғаларға мүгедектердің құқықтарын қамтамасыз ету және өмір сүру сапасын жақсарту туралы жол картасына толықтырулар мен өзгерістер енгізуге және мүмкіндігі шектеулі жандардың өмір сүру сапасын жақсартуға бағытталған жұмыстарды әрі қарай жалғастыруға тапсырма берді. Сондай-ақ аймақ басшысы мүгедектерге арналған әлеуметтік нысандарды «Нұр Отан» партиясы бақылауға алатынын, сондықтан бірде бір нысан партия комиссиясының оң шешімінсіз қабылданбауы қажет екенін ескертті. 
Пікірлер жоқ. Бірінші болыңыз!

Пікір жазыңыз