Шымкенттік азамат латын әліпбиіне өтудің оңай жолын тапты

57

0

Оңтүстік Қазақстан облысы әкімдігі ұйымдастырған «Хакатон» хакерлік марафонының жеңімпаздары анықталды.  Шымкенттік өнертапқыш Қуаныш Рысқұлов латын қарпіне көшу кезінде кездесетін қиындықты жеңетін әдісін ұсынып, 1 млн теңгені қанжығасына байлады, деп хабарлайды Вnews.kz.

Естеріңізге сала кетейік, ІТ мамандары арасында өткен конкурс облыс әкімдігінің ұйымдастыруымен осыдан бір ай бұрын жарияланған болатын. «Хакатон» марафоны Елбасы саясатын қолдау мақсатында қолға алынған жоба.

Шараға  студенттер, оқушылар, жас өнертапқыштар мен түрлі деңгейлі ІТмамандардан құралған 50 адам  қатысқан. Олардың ішінен 8 ІТ маманның жобасы үздік деп танылған.

Қуаныш Тұрсынқұлұлының ақпараттық технологиялар саласында 8 жылдан бері еңбек етіп келеді. Ол бұған дейін бірнеше компьютерлік бағдарлама әзірлеп, Алматы, Астана қалаларындағы өткен республикалық додаларда топ жарған. Байқау қазылары Қуаныштың жобасын дер кезінде әзірлеген қажетті бағдарлама деп таныпты.

Алдағы уақытта крилицианы латын қарпіне лезде ауыстыратын бағдарламаға қаржы бөліп, кең көлемде қолданысқа енгізу  жоспарланып отыр. Ұйымдастырушылар мұндай жобаның  алдағы уақытта жалғасын табатынын айтады.

Вnews.kz

Пікірлер жоқ. Бірінші болыңыз!

Пікір жазыңыз