Қызылорда. Үстіміздегі жылдың 1-2 наурыз күндері Қызылордада көркем гимнастикадан «Сыр жұлдыздары» облыстық ашық біріншілік өтті. Облысымызда бірінші мәрте ұйымдастырылған жарысқа Алматы, Байқоңыр қалалары мен Маңғыстау, Жамбыл, Оңтүстік Қазақстан, Қарағанды, Қызылорда облыстарынан 230 гимнасшы қатысты. Сайыс кезінде жеке және топтық жаттығу бағдарламалары бойынша 2001-2008 жылдары туылған гимнастшы қыздар өз өнерін ортаға салды. Жалпы командалық есепте Қызылорда облысы 1-орын, Алматы қаласы («Меңсұлу» гимнастика мектебі) 2-орын, Тараз қаласының командасы 3-орынды иеленді.
