Сырдан аттанған ұландар Әуе қорғанысы күштерінде борыштарын өтейді

53

0

Сырдан аттанған ұландар Әуе қорғанысы күштерінде борыштарын өтейдіСыр елінің жас жігіттері сарбаз болуға әскерге аттанды. Көктемгі
шақыру маусымына 45 жігіт ілігіп, әуе қорғанысы саласына алынды.

Бұл туралы қалалық әкімдіктің баспасөз қызметі хабарлады.

Отанды қорғау әрбір ер азаматтың міндеті және
қасиетті борышы. Бүгінгі әскерге шақырылған жастар осы парызын жете
ұғып, адал атқаруға тәуекел еткендер. Өңірімізден 45 жігіт әскери
талапқа сай деп табылып, Әуе қорғанысы күштеріне аттанды. Олар барлық
қиындыққа төзіп, ел тыныштығын қас қақпай күзетуге бел шешкен. Әскерге
алынушылардың ата-аналары мен жақындары темір жол вокзалында шығарып
салып тұрып, жас сарбаздарға ақ жол тіледі. Олар ер жігіттердің ел
тыныштығын берік қорғайтынына сенеді. Әскерге аттанған сарбаздар
ата-ана, туған өлкесінен жырақтап, енді әскер заңымен алдағы бір
жылдарын өткереді. Енді олар бір отбасының емес, байтақ елдің ұланы
болып саналмақ. Олар Отан алдында ант беріп, Тәуелсіз елдің тыныштығын
күзетеді.

Пікірлер жоқ. Бірінші болыңыз!

Пікір жазыңыз