Қызылорда. Қалаға қарасты Тасбөгет кентінде 2013 жылы 5 көше, 25 аула ішілік жолдар жөндеуден өткізілді. Бұл жөнінде қалалық ішкі саясат бөлімі ұйымдастырған баспасөз мәслихатында Тасбөгет кентінің әкімі Жұмабек Әлиев хабарлады. Былтыр қала іргесіндегі кенттің Жанқожа батыр, Ғ.Мұратбаев, З.Шүкіров және Е.Жүнісбаев көшелерінің бірқатар бөліктеріндегі жолдарға орта жөндеу жүргізілді. Оған облыстық бюджеттен 192,5 млн теңге бөлінді. Жолдардың ұзындығы 5 шақырымға жуықтайды. Сондай-ақ, Амангелді көшесіне орта жөндеу жүргізілсе, Сапарбаев көшесіне тротуар, «Наурыз» және «Тасарық» шағын аудандарындағы 25 аулаға ішкі жолдар салынды.
Пікірлер жоқ. Бірінші болыңыз!