Трансплантология саласы әрі қарай дамиды

82

0

Трансплантология саласы әрі қарай дамидыҚазақстан Республикасы Денсаулық сақтау министрлігінің штаттан тыс Бас трансплантологы Серік Жарықов Орталық коммуникациялар қызметінің апталық шолу брифингі барысында Алматы қаласындағы клиникалық ауруханалардың бірінде бүйрек  ауыстыру кезінде орын алған қайғылы оқиға еліміздегі трансплантологияны дамытуға еш әсер етпейтінін жеткізді. 
«Алматы қаласының 7 клиникалық ауруханада туыстық донор нәтижесінде қайғылы оқиғаға байланысты түсініктеме беріп кеткім келеді. 28 жасар емделуші ауруханаға туыстық трансплантацияға түскен еді. Бұл кісіден оң жақ бүйрек алынды, өкінішке орай, 12 тәулікке қараған күні  жоспарлы отадан кейін емделушінің жағдайы қиындап, қайтыс болды. Қазіргі таңда  сотқа дейінгі тергеу жүргізілуде. Және сот-медициналық сарапшының бағасынан кейін дәрігердің ісіне құқықтық баға берілетін болады»,-деді спикер. 
Серік Жарықовтың мәлімдеуінше,  Қазақстанда 1979 жылдан бері трансплантация  жүргізілуде. Дегенмен, 2012 жылы ғана адамның жүрегі басқа адамға орнатылғаннан кейін трансплантация нақты дами бастады.
«Қазақстан Республткасының Денсаулық сақтау министрлігі трансплантология көмегін дамыту бағытында  қарқынды жұмыстарды бастап кетті. Бұндай орталықтар Астана және Алматы қалаларында ұсынылуда. Шымкент қаласында трансплантация орталығы іске қосылды. Ақтөбе қаласында орталық барлық батыс аймақты қамтуда. Ендігі кезекте, Қарағанды және Шығыс Қазақстан облыстарында осындай орталықтың ашылуы жоспарлануда,-деді ол.
Пікірлер жоқ. Бірінші болыңыз!

Пікір жазыңыз