Қызылорда студенттеріне Елбасы Жолдауы түсіндірілді

62

0

Қызылорда студенттеріне Елбасы Жолдауы түсіндірілді2014 жылдың 25 желтоқсанында М.Мәметова атындағы Қызылорда гуманитарлық колледжінде ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаментінің ұйымдастыруымен Қызылорда облысының жастары аға буын өкілдерімен кездесіп, онда «Нұрлы жол – болашаққа бастар жол» атты Елбасы Жолдауы түсіндіріліп талқыланды.

Қызылорда облысы бойынша Мемлекеттік қызмет істері және сыбайлас жемқорлыққа қарсы іс-қимыл департаменті басшысының орынбасары – Тәртіптік кеңес төрағасы М.Оразәлі – еліміздің саяси-әлеуметтік даму жолында Елбасы жолдауының маңызы, жолдауда көрсетілген міндеттерді орындауда негізгі күш иесі жастар үлесінде екендігін атап өтті.

Сөз алған Қорқыт Ата атындағы ҚМУ саясаттану ғылымдарының кандидаты, доцент Б.Апенов өз баяндамасында Елбасының биылғы Жолдауының «Мәңгілік ел» ұлттық идеологиясын жеделдетудің негізгі қозғаушы күші жастар және Жолдаудағы міндеттерді орындаудағы жастардың рөлі мәселесіне тоқталды.

Ел ағаларының тек ақыл айтып қана қоймай, өздеріне зор сенім білдіргендері үшін жастар атынан С.Әбіл алғыс айтып, артқан сенімді замандастарымен бірлесіп ақтайтындарына сенім білдірді.

kyzylorda-news.kz

Пікірлер жоқ. Бірінші болыңыз!

Пікір жазыңыз