Қызылорда. Облыс орталығында жаяу жүргіншілер жолын мұздан тазалау мақсатында бірқатар шаралар қолға алынды. «Қызылорда тазалығы» мекемесінің техникалары қала көшелерін мұздан тазартуға жұмылдырылды. Қала әкімдігі баспасөз қызметінің хабарлауынша, көше және тротуарларды тазалауға 130-дан астам жұмысшы мен 21 техника қатыстырылды. Бүгінгі күндері жұмысшылар көше бойына үзіліссіз құм сеуіп, арнайы техникалармен мұз ою шараларын жасап жатыр. Осының нәтижесінде қазір 40-тан астам көше мұздан тазартылды.
Осы мақсатта арнайы топ құрылып, бірқатар сауда орындарын аралап, олардың алдындағы жолдарды тазалау жөнінде түсіндірме жасады.
