Қызылордада су тасқынының алдын алу шаралары күшейтілуде

50

0

Қызылордада су тасқынының алдын алу шаралары күшейтілудеҚызылорда қаласына жақын орналасқан «ПМК-29» саяжайы мен басқа да қалаға қарасты саяжай тұрғындарына төтенше жағдайдың алдын алу бағытында үгіт-насихат жұмыстары жүргізілуде.

Бұл туралы облыстық ТЖД-нің баспасөз қызметі хабарлайды.

Қала аумағындағы өзен жағалауында тасқынның алдын алу жұмыстары күшейтілді. Ауа райын бақылаушылардың айтуынша, алдағы үш күнде аймақта сынап бағанасы 8 градусқа дейін жоғарылайды. Күн райының тез жылынуы өзендегі сең жүруді жеделдетеді. Қазіргі таңда сең қалаға дейінгі 49 шақырым жерде тұр.

«Қазіргі таңда ахуалға байланысты Сырдария өзеніне Қызылорда облыстық төтенше жағдайлар департаменті күшейтілген кезекшілік ұйымдастырып, жедел топ мүшелерімен бірге Сырдария өзенінің бойына мониторинг жүргізілуде. Кезекшілік жұмыстары тәулік бойы жүргізіліп жатыр»,-дейді Қызылорда қалалық төтенше жағдайлар басқармасы басшысының міндетін атқарушы Майысжан Ибрашев.

Пікірлер жоқ. Бірінші болыңыз!

Пікір жазыңыз