Қызылордада тұңғыш рет квас өндірісі іске қосылды

45

0

Қызылордада тұңғыш рет квас өндірісі іске қосылдыҚызылордада квас өндірісі қолға алынды. ЖК «Камиля» компаниясы
«Бизнестің жол картасы 2020» бизнесті қолдау мен дамытудың бірыңғай
бағдарламасы аясында өндірісті іске қосты.

Бұл туралы «Даму» кәсіпкерлікті дамыту қоры АҚ Қызылорда облысы бойынша аймақтық филиалының баспасөз қызметі хабарлады.

Ісін енді бастаған кәсіпкер Камиля Елжанова
Қызылорда облысындағы алғашқы квас шығарушылардың бірі болып отыр. Квас
өндірісін ашу мақсатында кәсіпкер ДБ «СбербанкРоссии» АҚ-нан Даму
қорының 70 пайыз кепілдендіруі арқасында несиеге қол жеткізді.

Несие қаражатына жеке кәсіпкер өнім шығаруға қажетті құрал-жабдықтар
мен шикізат сатып алды. Цехтың өндіріс қуаты тәулігіне 500 литрквас
шығаруға жетеді.

-Біз отбасылық бизнесті ашуды көптен ойластырып, осы идеяны жүзеге
асыруды қолға алдық. Өндірістің алғашқы кезеңінде оңай болған жоқ,
алайда бір-бірімізді қолдап, бар күш-жігерді жобамыздың сәтті жұмыс
жасауына бағыттадық. Қазіргі таңда басты мақсат цехтың жұмысын
бірыңғайлау, өндіріс пен өнімді сату циклін жөнге келтіру болып отыр.
Бәсекелестермен салыстырғандағы басым көрсеткіштеріміз сапа мен өнімнің
төмен бағасы, – дейді Камиля Елжанова.

ЖК«Камиля» компаниясының несие пайызы мемлекет тарапынан субсидияланып отыр.
Пікірлер жоқ. Бірінші болыңыз!

Пікір жазыңыз