Қызылордалық спортшылар Азия чемпионатында 1 күміс, 3 қола еншіледі

55

0

Қызылордалық спортшылар Азия чемпионатында 1 күміс, 3 қола еншіледіҚытайдың Тайпей қаласында таэквондодан жасөспірімдер арасында өткен Азия чемпионатында қызылордалық спортшылар 1 күміс, 3 қола медаль иеленді.

Бұл туралы облыстық дене шынықтыру және спорт басқармасының баспасөз қызметі хабарлады.

Жекелей сында қыздар арасында өнер көрсеткен №2 облыстық олимпиадалық резервтің мамандандырылған балалар мен жасөспірімдер мектебінің спортшысы Жібек Көпен +59 келі салмақ дәрежесінде күміс жүлдеге ие болды. 41 келі салмақта № 10 Шиелі ауданының балалар мен жасөспірімдер спорт мектебінен Гүлбала Абызбаева, 44 келіде Ж.Баһадүр атындағы облыстық спортта дарынды балаларға арналған мектеп-интернаттан Ботагөз Қапанова және 51 келіде Айым Тоғман (№253 орта мектеп) чемпионаттың қола жүлдесін олжалады.

Жарысқа 24 мемлекеттен 200-ден аса 2001-2003 жылдары туылған ұлдар мен қыздар қатысты. Қазақстан құрама командасы 1 алтын, 2 күміс, 13 қола медаль алып, жалпыкомандалық есепте ұлдар мен қыздар командасы үшінші орынды еншіледі.

Пікірлер жоқ. Бірінші болыңыз!

Пікір жазыңыз