Қазақстан футбол федерациясының Төрешілер және нұсқаушылар департаменті биыл қызылордалық бес арбитрді Түркиядағы оқу-жаттығу жиынына шақырды. Бұл туралы Қызылорда облыстық футбол федерациясының баспасөз қызметі мәлімдеді.Жиынға Қызылорда атынан ФИФА арбитрі Акмальхан Холматов, ФИФА ассистенті Серік Жаппасбаев, Премьер-лига лайнсмені Ғалымжан Айжігітов, Премьер-лига лайнсемінен үміткер Төребек Жақсылық және Бірінші лига бас төрешісі болудан үміткер Данияр Сахи аттанып кетті. Жерорта теңізінің жағалауындағы екі апталық оқу-жаттығу жиынында жерлестеріміз еліміздің алдыңғы қатарлы өзге төрешілерімен бірге теориялық және практикалық жаттығулар жүргізіп, ҚФФ Төрешілер және нұсқаушылар департаментінің басшысы Маттео Трефоллонидің басшылығымен әртүрлі физикалық тесттер тапсыратын болады.
Пікірлер жоқ. Бірінші болыңыз!