Ауыл тұрғындарының, кәсіпкерлердің бастамасымен Қызылжармада жаңа Тағзым алаңының құрылысы жүргізілуде. Тағзым алаңының жобасы ауыл ақсақалдары және ауыл тұрғындарымен мақұлданды. Тағзым алаңы ауыл орталығындағы мәдениет үйінің жанында орын теппек.
– Жобаның авторы, ауылымыздың тұрғыны, белгілі жобалаушы Самат Хабаров. Тағзым алаңында орналасқан ескерткіш гранит тақтайшаларда ауылдан соғысқа қатысқан азаматтардың аты-жөні жазылады, – дейді өзінің әлеуметтік парақшасында қала депутаты, кәсіпкер Ғалымбек Жақсылықов.
«Көп түкірсе, көл» демекші, ауыл кәсіпкерлерінен, тұрғындардан жиналған қаражатқа салынып жатқан Тағзым алаңын Ұлы Жеңіс күні мерекесі қарсаңында ашу жоспарлануда.
Пікірлер жоқ. Бірінші болыңыз!