Жаңақорған ауданында бақша өнiмдерi пiсiп сатуға шығарыла бастады. «Қазiргi таңда Жайылма ауылдық округтерiндегi «Жиделi», «Шоқмазар» шаруа қожалықтарының диқандары 1000 тоннаның жобасында қарбыздарын елiмiздiң солтүстiк облыстары мен облысымыздың солтүстiк-батысындағы аудандарға жiберiлуде» деп хабарлайды аудан әкімдігі баспасөз қызметі. Бағасы да қолжетiмдi, қарбыздың килограммы 25-28 теңгеден сатылуда. Науқан соңына дейiн 10-17 мың тоннадан астам бақша өнiмдерi сатылады деп күтiлуде.
